紋髮後留色黃金法則：頭三日最緊要！
紋髮雖然係一項低風險嘅美容服務，甚至唔使麻醉藥，做完當日已經可以見人，但頭三日嘅護理，直接影響到你嘅留色率。呢段時間你只需要記住一個字：等。
1. 24小時內頭皮「滴水不沾」
做完紋髮嘅頭24個鐘，頭皮係絕對唔可以掂水嘅。呢段時間除咗要鞏固色料，仲要俾頭皮嘅微細傷口休息。記住，連洗頭、出汗呢啲「濕氣」都要避免，盡量保持頭皮乾爽。
2. 結痂期千祈唔好用手「搲」
做完紋髮後嘅第3至7日，頭皮可能會出現好似頭皮屑咁嘅輕微結痂。呢個時候頭皮會有點痕，但最忌就係用手去搲或者搣走啲痂。因為如果強行整甩佢，會令到皮層入面嘅顏色上得唔均勻，甚至出現「白點」。正確做法係由得佢自然甩落，如果你真係痕到頂唔順，可以用手掌輕輕拍打頭皮舒緩一下。
3. 頭皮都要「防曬」，避開紫外線
你可能唔知，紫外線會加速頭皮入面嘅色素代謝，令到紋髮效果快啲變淡。所以做完紋髮之後，出門記得戴帽或者擔遮，幫頭皮做足物理防曬。
紋髮後日常護理細節逐個捉
順利過渡咗頭三日之後，你已經成功咗一半。接落嚟嘅日常護理，只要跟住以下幾點做，就可以令留色效果更加持久。
1. 洗頭要輕手，用「印」唔好用「捽」
幾時可以洗？ 通常24至48小時後就可以用凍水或暖水洗頭。
點樣洗？ 記住要用指腹輕輕按摩頭皮，千祈唔好用指甲去抓，亦都唔好用力捽個頭皮。如果驚洗得唔乾淨，可以先用起泡網將洗頭水打起泡再放上頭。
點樣乾？ 洗完頭之後，用毛巾輕輕印乾就得，唔好大力捽。風筒就最好用凍風或暖風吹乾，唔好開太熱。
2. 忍一忍口！戒口清單你要知
為咗個頭皮可以快啲好返同埋穩定上色，做完紋髮之後一個禮拜內最好避免食辛辣、刺激性嘅食物，仲有海鮮呢類容易致敏嘅嘢。而煙同酒更加要戒一戒，因為呢啲嘢會令到頭皮油脂分泌加劇，影響留色。
3. 避免高溫同劇烈運動
做完紋髮後一星期內要避免去焗桑拿、浸溫泉或者游水。呢啲活動唔止會令頭皮長時間濕水，高溫同出汗都會影響顏色食得唔實。想做運動的話，等一個月後先做都未遲。
專家總結：呢幾點做齊，留色自然又持久！
紋髮嘅護理一啲都唔複雜，甚至比植髮嘅術後保養簡單好多。你只需要記住幾個口訣：頭三日唔濕水、結痂唔好搲、出門要防曬、戒口一星期、運動要暫緩。只要跟足以上指引，你嘅紋髮效果就可以keep得好靚，自然又持久！
當然，揀一間專業嘅紋髮公司，係成功嘅第一步。喺Mō · The Slow Bloom，我哋堅持用正規嘅SMP韓國紋髮技術同醫療級色料，確保你嘅紋髮效果唔會變藍變紅，只會隨時間慢慢變淡。我哋會喺每個步驟都提供詳細嘅護理指導，等你做得安心，變得更自信。
立即免費預約諮詢，歡迎電話/上門查詢 https://www.mo-hk.com/locations